Zaila da orain dela hogei urte karrera bukatu duen euskal edo ingeles filologo bati informatikaren garrantzia azaltzea. Seguraski ez luke ulertuko zergatik den hain beharrezkoa gaur egun informatika jakitea. Argi dago gauzak asko aldatu direla eta teknologia berriak gure eguneroko bizitzaren osagai oso garrantzitsu bat bihurtu direla, horregatik ezin bestekoa da “mundu moderno” honetan murgiltzea.
Beste egunean nire informatikako lehengo klasean ulertu nuen informatikaren garrantzia filologia baten barruan; bestela esanda, teknologiaren inportantzia gehienbat liburuen erabilerarekin zerikusia duen ikasgai batean. Arrazoia oso argi dago: filologo baten lana informatikaren arloan erabiltzen den hizkuntza edo termino espezifikoak aztertzea da edo izango litzeteke. Gainera Internet komunikazio arlo eraginkor bat da, munduko gauzarik arraroena bertan ikus eta aurkitu dezakezu.
Esan beharra dago filologoak zeharkako lotura bat daukagula informatikaren arloarekin,azken finean “filos” laguna esan nahi du eta “logos” hitza. Grekera jatorriko hitz honek argi azaltzen du nire ustez gaiaren zergatia informatikaren arloan hitzak ere protagonismo handia daukate eta.
